少女減肥後記
我估大部分少女都喺野食求撚其同節食之間無限輪迴，其實我都唔例外。為咗四月影呢個shoot，我三月已經好努力好留意飲食均衡，每餐都盡量小食(因為我真係好大食，我啲中同都叫我黑洞)。點知第三個星期黎m，第一日抑鬱到爆之後就瘋狂食我鍾意嘅野，唔肥唔濃味都唔放入口，一個星期就將前兩個星期嘅野完全抹殺哂😭 所以最後一個星期，我唯有用最終極減肥法 — 成個星期食得一餐，而且每日都灌水。雖然最後都係有個小腩，但基本上身上所有脂肪都減得七七八八，連個胸都減走埋，瘦成條人乾咁。不過之後好快就反彈，同又忍唔住狂食野，一野又肥返。直至差唔多五月，為咗想生日着件靚泳衣，先食雞胸做運動，個身型同面色真係無得比，成件事好睇好多。既然減肥都係無得食得爽，咁不如好好留意食乜落肚，而唔係唔食乜落肚。 #NoteToSelf
Search